MMBUSTICKET ဝန်ဆောင်မှုကို အသုံးပြုသူများလိုက်နာရမည့် စည်းမျဉ်းစည်းကမ်း သတ်မှတ်ချက်များ

ဤ “စည်းမျဥ်းစည်းကမ်း သတ်မှတ်ချက်များ” သည် MMBusTicket ကို ဝင်ရောက်အသုံးပြုမည့် အသုံးပြုသူ (“သင်”၊ “သင့်”၊ “သင်၏”၊ “သင်တို့၏”) မှ လိုက်နာရမည့်စည်းမျဉ်းစည်းကမ်း သတ်မှတ်ချက်များဖြစ်ပါသည်။ MMBusTicket ကို ရယူအသုံးပြုသူများအနေဖြင့် ဝန်ဆောင်မှုများကိုရယူအသုံးပြုသူများအနေဖြင့် ဤ စည်းမျဉ်းစည်းကမ်း သတ်မှတ်ချက်များအတိုင်း လိုက်နာအသုံးပြုရမည်ဖြစ်ပါသည်။ MMBusTicket ဝန်ဆောင်မှုကို အသုံးပြုရန်အတွက် စည်းမျဉ်းစည်းကမ်း အသေးစိတ်မှာ အောက်ပါအတိုင်း ဖြစ်ပါသည်။

၁။ အဓိပ္ပါယ်ဖွင့်ဆိုချက်

၁၊၁။ “အလုပ်လုပ်ရက်” ဆိုသည်မှာ မြန်မာနိုင်ငံရှိ စနေ၊ တနင်္ဂနွေနေ့၊ အများပြည်သူအလုပ်ပိတ်ရက် သို့မဟုတ် ဘဏ်ပိတ်ရက်မဟုတ်သည့် နေ့ရက်များကို ဆိုလိုခြင်းဖြစ်သည်။

၁၊၂။ “KYC” ဆိုသည်မှာ မြန်မာနိုင်ငံတော်ဗဟိုဘဏ်နှင့်/သို့ အခြား အခွင့်အာဏာပိုင်များမှ ထုတ်ပြန်ထားသော “သင်၏ ဖောက်သည်ကို သိပါ” ဟူသော မှတ်ပုံတင် မှတ်ပုံတင်ရာတွင် လိုအပ်သော အချက်အလက်များကို ဆိုလိုသည်။ များကို ဆိုလိုသည်။

၁၊၃။ “Website” ဆိုသည်မှာ ကုန်သည်မှပိုင်ဆိုင်သော MMBusTicket Website ကိုဆိုလိုခြင်းဖြစ်သည်။

၁၊၄။ “မြန်မာကျပ်” ဆိုသည်မှာ ပြည်ထောင်စုသမ္မတ မြန်မာနိုင်ငံတော်အတွင်း တရားဝင်သုံးစွဲနေသည့် ငွေကြေးကို ဆိုလိုသည်။`

၁၊၅။ “ပြန်အမ်းငွေ” ဆိုသည်မှာ ကုန်သည်ထံမှဝယ်ယူသည့် ကုန်စည်/ဝန်ဆောင်မှုများသည် ကုန်သည်မှ ဖော်ပြထားသည့် အရည်အသွေးနှင့်ကိုက်ညီမှုမရှိခြင်း သို့မဟုတ် ယိုယွင်းပျက်စီးမှုရှိခြင်း၊ ချို့တဲ့မှု၊ ပြည့်စုံမှုမရှိခြင်း နှင့် သို့မဟုတ် မည်သည့်အကြောင်းကြောင့်ဖြစ်စေ ကျေနပ်မှုမရှိခြင်း သို့မဟုတ် ဝယ်ယူသည့် အသုံးပြုသူ၏ မှာယူမှုကို အသုံးပြုသူမှဖျက်သိမ်းခြင်းတို့ကြောင့် အသုံးပြုသူမှပေးချေရန်ငြင်းဆိုခြင်းပြုထားသည် မည်သည့်တစ်စိတ်တစ်ပိုင်း ပေး‌ချေထားမှုအတွက်ဖြစ်စေ သို့မဟုတ် ပမာဏအပြည့်အဝ ပေးချေထားမှုအတွက်ဖြစ်စေပြန်အမ်းငွေတောင်းဆိုခြင်း သို့မဟုတ် ငွေပြန်အမ်းပေးရန် တောင်းဆိုခြင်းတို့ကို ဆိုလိုသည်။

၁၊၆။ "ဝန်ဆောင်ခ" ဆိုသည်မှာ MMBusTicket မှ ထုတ်ပြန်ထားသော ဝန်ဆောင်မှုအသုံးပြုမှုအတွက် ကောက်ခံသည့် အခကြေးငွေ၊ ကောက်ခံမှုအားလုံးကို ဆိုလိုပါသည်။

၂။ MMBusTicket Website အား ရယူအသုံးပြုခြင်း

၂၊၁။ အသုံးပြုသူများသည် ၎င်းတို့၏ကိုယ်ပိုင်ဆော့ဖ်ဝဲလ်နှင့် ဟာ့ဒ်ဝဲများ သင့်လျော်ပြီး ခေတ်မီကြောင်း သေချာစေရန်အတွက် တာဝန်ရှိပါသည်။

၂၊၂။ ပယ်ဖျက်ခြင်း ၊ငွေပြန်အမ်းခြင်းလုပ်ငန်းစဉ်များနှင့် သုံးစွဲသူမှရရှိသောဝန်ဆောင်မှုများမှ အငြင်းပွားမှုများ ပေါ်ပေါက်လာပါက သုံးစွဲသူများသည် ဆက်သွယ်ရန် ဖော်ပြထားသည့် နည်းလမ်းများထဲမှ MMBusTicket Call center အကူအညီကိုတိုက်ရိုက်ဆက်သွယ်နိုင်ပြီးအဆိုပါတိုင်ကြားမှုများအပေါ်တွင် MMBusTicket မှ ဆုံးဖြတ်ချက် ပြုလုပ်မည် ဖြစ်ပါ သည်။

၃။ ကြိုတင်စာရင်းသွင်းဝယ်ယူမှု မူဝါဒ

၃၊၁။ ဝယ်ယူသူသည် Website မှတဆင့် လက်မှတ်(များ)ဝယ်ယူခြင်းမပြုမှီ ဤစည်းကမ်း သတ်မှတ်ချက်များအား သေချာစွာဖတ်ရှုရမည် ဖြစ်ပြီး မေးမြန်းလိုသည်များရှိပါက MMBusTicket Call Center သို့ဆက်သွယ် မေးမြန်းရမည်ဖြစ်သည်။ လက်မှတ်ဝယ်ယူရာတွင် ကျသင့်ငွေအားအပြည့်အဝငွေပေးချေရန်လိုအပ်ပြီး သင့်အနေဖြင့် ငွေပေးချေမှု အား‌ အောင်မြင်စွာဆောင်ရွက်ပြီးမှသာလျှင် သင်၏ လက်မှတ်ဝယ်ယူမှုပြီးမြောက်မည်ဖြစ်သည်။ အကယ်၍ သင်သည် ငွေပေးချေမှုကိုအောင်မြင်စွာဆောင်ရွက်ပြီးသော်လည်း သင်၏လက်မှတ်ဝယ်ယူမှုနှင့်ပတ်သက်၍ အတည်ပြုချက်ကို မရရှိခဲ့ပါက သို့မဟုတ် အမှားအယွင်းတစ်ခု ရှိပါက၊ MMBusTicket Call Center သို့ဆက်သွယ်၍ ပြန်လည်အတည်ပြုရန် သင့်တွင် တာဝန်ရှိပါသည်။

 ၃၊၂။ MMBusTicket websiteတွင် ဖော်ပြပါရှိသော ဝန်ဆောင်မှုများနှင့် နှုန်းထားများအတိုင်း သင်အနေဖြင့် လက်မှတ်များအား ဝယ်ယူနိုင်မည်ဖြစ်သည်။ သို့ရာတွင် သင်မှ အောင်မြင်စွာငွေပေးချေခြင်းမပြုသေးသော သင်၏လက်မှတ်မှာယူမှုသည် အချိန်မရွေး ပယ်ဖျက်နိုင်မည်ဖြစ်ပြီး စျေးနှုန်းများသည်လည်း ပြောင်းလဲနိုင်သည်ဆိုသည်ကို သင့်အနေဖြင့်သိရှိနားလည်ပါသည်။ KBZPay မှသော်လည်းကောင်း၊ MMBusTicket မှသော်လည်းကောင်း မည်သည့်အကြောင်းကြောင့်ဖြစ်စေ သင်၏ဝယ်ယူမှုကို ငြင်းပယ်ပိုင်ခွင့်ရှိမည်ဖြစ်သည်။

၃၊၃။ MMBusTicket သည် ထုတ်ကုန်များနှင့် ဝန်ဆောင်မှုများ၏ တိကျသောဖော်ပြချက်များအား ပေးဆောင်ရန် ရည်ရွယ်သော်လည်း Website အတွင်းဖော်ပြပါရှိချက်များသည် အမှားအယွင်းမရှိ၊ ပြီးပြည့်စုံခြင်း သို့မဟုတ် လက်ရှိသည်ဟူ၍ MMBusTicket မှ အာမခံခြင်းမရှိပါ။

၃၊၄။ သင်သည် မည်သည့် ခရီးစဉ်အတွက်မဆို အသွားအပြန် လက်မှတ်များအားကြိုတင်ဝယ်ယူနိုင်သည်။ ဝယ်ယူပြီး လက်မှတ် အတွက် ပြန်လည် ပယ်ဖျက်ခွင့်မပြုပါ။ ထို့ကြောင့်ခရီးစဉ် အား Booking လုပ်ပြီးနောက် သေချာသည်ဆိုမှ သာ Confirm လုပ်စေလိုသည်။

၃၊၅။ Online Ticketing System ဖြင့် လက်မှတ်ရောင်းရာတွင် ခရီးစဉ် ၊ အချိန် ၊ အရေအတွက်၊ Foreigner / Local စသဖြင့် စနစ်တကျ ရွေးချယ်ဝယ်ယူရမည်။ Online Ticketing System မှတဆင့်ဝယ်ယူအသုံးပြုသူများသည် လက်မှတ်များအားဝယ်ယူရာတွင် လိုအပ်သော အချက်အလက်များအား ဖြည့်သွင်းရာတွင် မှန်ကန်သောအချက်အလက်များကိုသာပေးရမည်ဖြစ်ပြီး MMBusTicket သည် ထိုသို့အသုံးပြုသူများမှ ထည့်သွင်းသော အချက်အလက်များသည် မှန်ကန်တိကျပြီး နောက်ဆုံးအခြေအနေနှင့် ကိုက်ညီသည်ဟု သတ်မှတ်မည်ဖြစ်သည်။ နိုင်ငံခြားသားတစ်ဦးသည် ပြည်တွင်းခရီးသည်တစ်ဦး၏ လက်မှတ်စျေးနှုန်းကို မှားယွင်းရွေးချယ်မိပါက၊ နိုင်ငံသားနှင့် နိုင်ငံခြားသား လက်မှတ်စျေးနှုန်းအကြား ကွာခြားချက်ကို MMBusTicket သို့ ပေးဆောင်ရမည်ဖြစ်သည်။

၃၊၆။ Online Ticketing System မှတဆင့်ဝယ်ယူအသုံးပြုသူများဘက်မှ ထည့်သွင်းဖြည့်စွက်ထားသော အချက်အလက်များ နှင့်ပတ်သတ်၍ မှန်ကန်တိကျမှုမရှိခြင်းကြောင့် ဖြစ်ပေါ်လာသော အကျိုးဆက်များနှင့် ပတ်သတ်ပြီး အသုံးပြုသူထံတွင်သာ တာဝန်ရှိပြီး MMBusTicket နှင့် Bus Operators တွင် မည်သည့် တာဝန်မျှ မရှိပါ။ 

၃၊၇။ ဝယ်ယူသူများသည် ကြိုတင်မှာယူမှုများအတွက် အပြည့်အဝငွေပေးချေရန်လိုအပ်ပြီး မိမိဝယ်ယူထားသော လက်မှတ်တွင် ဖော်ပြထားသော နေ့ရက်နှင့်အချိန်အတွက်သာ လက်မှတ်အားအသုံးပြုခွင့်ရှိသည်။

၃၊၈။ MMBusTicket တွင် လက်မှတ်ဝယ်ယူပြီးပါက သင်၏ SMS နှင့် Email သို့ E-ticket ကို လက်ခံရရှိမည်ဖြစ်သည်။ အကယ်၍ E-ticket မရရှိခဲ့ပါက သင်သည် ၂၄24 နာရီအတွင်း MMBusTicket ၏ Customer Support Team ထံသို့ ဆက်သွယ်ရန် လိုအပ်ပါသည်။ထိုသို့ သတ်မှတ်ထားသောအချိန်အတွင်း MMBusTicket သို့ ဆက်သွယ်ရန် ပျက်ကွက်ပါက အသုံးပြုသူထံတွင်သာ တာဝန်ရှိကြောင်း သိရှိနားလည်ပါသည်။ 

၃၊၉။ သင့်အနေဖြင့် ဝယ်ယူထားသည့်လက်မှတ်ပေါ်တွင် ဖော်ပြပါရှိသည့်အတိုင်းသာလျှင် ဝန်ဆောင်မှုရရှိနိုင်မည်ဖြစ်ပြီး ဝယ်ယူပြီးလက်မှတ်များကို ပြန်လည်ပြင်ဆင်လို့မရနိုင်သောကြောင့် ပြန်လည်စစ်ဆေးရန်တာဝန်မှာ သင့်၏တာဝန်သာလျှင်ဖြစ်သည်။ ဝယ်ယူထားသော လက်မှတ်များအတွက် သင်အနေဖြင့် အီလက် ထရောနစ်နည်းလမ်းဖြင့် ပေးပို့သည့် လက်မှတ်သာလျှင် ရရှိနိုင်မည်ဖြစ်ပြီး MMBusTicket မှ မည်သည့်အခါတွင်မျှ E-Ticket အား physically လက်မှတ်ထုတ်ပေးမည်မဟုတ်ပါ။

၃၊၁၀။ အသုံးပြုသူဘက်မှ ပယ်ဖျက်လိုက်သော လက်မှတ်များနှင့် ပတ်သတ်၍ ပြန်အမ်းငွေမရရှိကြောင်းကို အသုံးပြုသူဘက်မှ သိရှိနားလည်ပါသည်။ 

၃၊၁၁။ အသုံးပြုသူသည်မိမိ၏ သတင်းအချက်အလက်များအား အခြားသူတစ်ဦးမှ အသုံးပြုခြင်းကြောင့် ဖြစ်ပေါ်လာသော အကျိုးဆက် များသည် အသုံးပြုသူနှင့်သာ သက်ဆိုင်မည်ဖြစ်ပြီး MMBusTicket နှင့် Bus Operators ထံတွင် တာဝန်မရှိကြောင်း ကို အသုံးပြုသူဘက်မှ သိရှိနားလည်ပါသည်။ 

၃၊၁၂။ ခရီးသွားရက်စွဲများ၊ အချိန်များနှင့် အခြားသက်ဆိုင်ရာအချက်အလက်များအပါအဝင် ကြိုတင်မှာယူမှု အသေးစိတ် အချက်အလက်များ၏ တိကျမှုကို ပြန်လည်စစ်ဆေးရန်နှင့် အတည်ပြုရန်အတွက် သင့်တွင် တာဝန်ရှိပါသည်။ ၎င်း E-ticket အား ဝယ်ယူသူမှ သိမ်းထားရန်လိုအပ်သည်။ ဝယ်ယူသူများသည် ၎င်းတို့၏ Mobile Phone တွင် လက်မှတ်ကိုပြသခြင်းဖြင့် သို့မဟုတ် အီလက်ထရွန်နစ်လက်မှတ်၏ ရှင်းလင်းပြတ်သားသော ပရင့်ထုတ်ပုံကို ပြသရန် လိုအပ်မည်ဖြစ်သည်။

၃၊၁၃။ သင်ဝယ်ယူထားသောလက်မှတ်(များ)နှင့်ပတ်သက်၍ သံသယဖြစ်ဖွယ်တစ်စုံတစ်ရာတွေ့ရှိပါက သို့မဟုတ် စည်းကမ်းချက်တစ်စုံတစ်ရာဖောက်ဖျက်သည်ဟု ထင်မြင်ယူဆပါက MMBusTicket မှ ရောင်းချထားသောလက်မှတ်များအား သင့်အားအကြောင်းကြားခြင်းမရှိဘဲ အချိန်မရွေး ဖျက်သိမ်းခွင့်ရှိမည်ဖြစ်ပြီး ထိုဖျက်သိမ်းထားသော သင့်လက်ဝယ်ရှိ လက်မှတ်များသည်လည်း အသုံးပြုနိုင်တော့မည်မဟုတ်ပါ။ ထိုသို့ပယ်ဖျက်ခြင်းအတွက်သင့်အနေဖြင့်မည်သည့်လျော်ကြေးတစ်စုံတစ်ရာမျှရပိုင်ခွင့်မရှိသည်ကိုလည်း သင်သည် သိရှိလက်ခံ သဘောတူပါသည်။ 

၃၊၁၄။ အသုံးပြုသူသည် ၎င်းတို့ဝယ်ယူထားသော၏ လက်မှတ်(များ)နှင့်ပတ်သက်၍ အချိန်၊ နေရာ နှင့် အခြားတစ်စုံတစ်ရာအားကို အပြောင်းအလဲပြုလုပ်လိုပါက MMBusTicket သို့ တိုက်ရိုက်ဆက်သွယ်ရမည်ဖြစ်သည်။ အသုံးပြုသူများသည် ထိုသို့အပြောင်းအလဲပြုလုပ်ခြင်းကိစ္စနှင့်ပတ်သက်၍ MMBusTicket နှင့်/သို့မဟုတ် Bus Operators များမှသတ်မှတ်ထားသော စည်းကမ်းချက်များအတိုင်းလိုက်နာဆောင်ရွက်ကြရမည်ဖြစ်ပြီး MMBusTicket နှင့်/သို့မဟုတ် Bus Operators တို့၏နောက်ဆုံး ဆုံးဖြတ်ချက်သည်သာလျှင်အတည်ဖြစ်မည်ဖြစ်သည်။

၃၊၁၅။ MMBusTicket သည် လက်မှတ်တွင် ဖော်ပြပါရှိသည့် လူပုဂ္ဂိုလ်ကိုသာလျှင် ဝန်ဆောင်မှုပေးမည်ဖြစ်ပြီး MMBusTicket မှ လက်မှတ်အား တိုက်ဆိုင်စစ်ဆေးသည့်အခါ ကွဲလွဲမှုတစ်စုံတစ်ရာရှိပါက ဝန်ဆောင်မှုပေးရန် ငြင်းပယ်ပိုင်ခွင့်ရှိမည်ဖြစ်သည်။ ထိုသို့စည်းကမ်းချက်များနှင့်မကိုက်ညီသည့် ငြင်းပယ်ခြင်းအတွက် သင့်အနေဖြင့် မည်သည့် ပြန်အမ်းငွေကိုမျှ ရပိုင်ခွင့်မရှိသည်ကို လည်း သင်သည် သိရှိလက်ခံသဘောတူပါသည်။

၃၊၁၆။ ကြိုတင်မှာယူမှုများကို ရောင်းချခြင်း၊ လေလံတင်ခြင်း၊ လဲလှယ်ခြင်း သို့မဟုတ် ပြင်ပအဖွဲ့အစည်းသို့ လွှဲပြောင်းခြင်းမပြုနိုင်ပါ။ ကြိုတင်စာရင်းသွင်းခြင်းများသည် ကြိုတင်စာရင်းသွင်းစဉ်တွင်ဖော်ပြထားသော နိုင်ငံသားမှတ်ပုံတင်နံပါတ် သို့မဟုတ် နိုင်ငံကူးလက်မှတ်ပါရှိသည့် တစ်ဦးချင်းစီအတွက် သီးသန့်ဖြစ်သည်။

၃၊၁၇။ MMBusTicket သည် Website ထဲရှိ ဝန်ဆောင်မှုများ၊ စျေးနှုန်းများ၊ စည်းမျဥ်းစည်းကမ်းများ၏ အစိတ်အပိုင်းများကို အချိန်မရွေး ပြင်ဆင်ခြင်း၊ ပြောင်းလဲခြင်း၊ ထည့်သွင်းခြင်း သို့မဟုတ် ဖယ်ရှားခြင်းတို့ ပြုလုပ်ပိုင်ခွင့်ရှိသည်။ အသုံးပြုသူများသည် update များကို အခါအားလျော်စွာ စစ်ဆေးရန် တာဝန်ရှိပါသည်။

၄။ အသုံးပြုသူ ၏တာဝန်ဝတ္တရားများ

၄၊၁။ သင့်လက်မှတ်ဝယ်ယူမှုကို အတည်ပြုရန် သို့မဟုတ် ဘတ်စ်ကားလက်မှတ်များကို ကြိုတင်စာရင်းသွင်း ခြင်း/ကြိုတင်မှာယူခြင်းမပြုမီ သင်ရွေးချယ်သည့်အခါတွင် သင်၏ခရီးသွားရက်၊ အချိန်နှင့် ခရီးစဥ် မှန်ကန်ကြောင်း သင့်ထံတွင်သာ တာဝန်ရှိသည်။

၄၊၂။ ထွက်ခွာချိန်မတိုင်မှီ သတ်မှတ်ထားသော နေရာသို့ ကြိုတင်ရောက်ရှိရန် အသုံးပြုသူထံတွင် တာဝန်ရှိပါသည်။ ဘတ်စ်ကားထွက်ခွာချိန်၌ ဘတ်စ်ကားပေါ်တက်ရန် ပျက်ကွက်ပါက MMBusTicket တွင် တာဝန်မရှိပါကြောင်း သိရှိနားလည်ပါသည်။

၄၊၃။ သင်သည် MMBusTicket Website မှ တဆင့် ဝယ်ယူထားသောBus Operator ၏ လက်မှတ်များ သတ်မှတ်ထားသော ယာဥ်ကိုသာ စီးနှင်းလိုက်ပါရမည် ဖြစ်ကြောင်း သိရှိနားလည်ပါသည်။

၄၊၃။ သင်သည် MMBusTicket ကို ကျိုးကြောင်းဆီလျော်ပြီး တရားဝင်သော ရည်ရွယ်ချက်များအတွက်သာ အသုံးပြုရန် တာဝန်ရှိပြီး အခြားမည်သို့သော တရားမဝင်လုပ်ဆောင်ချက်ကိုမျှ မလုပ်ရပါ။

၄၊၄။ သင်၏ ကြိုတင်စာရင်းသွင်းခြင်းနှင့် MMBusTicket ၏ ထုတ်ကုန်များနှင့် ဝန်ဆောင်မှုများကို ဝယ်ယူခြင်းနှင့် စပ်လျဉ်း၍ လိုအပ်သောနှင့် တိကျသော အချက်အလက်အားလုံးကို MMBusTicket ပေးဆောင်ပြီး ထိုအချက်အလက်များကို အနှောင့်အယှက်မရှိဘဲ ပေးဆောင်ရန် ကျိုးကြောင်းဆီလျော်သော ကြိုးစားအားထုတ်မှုအားလုံးကို အသုံးပြုရပါမည်။

၄၊၅။ ကြိုတင်စာရင်းသွင်းထားသော MMBusTicket ၏ ထုတ်ကုန်များနှင့် ဝန်ဆောင်မှုများအတွက် သင့်ငွေပေးချေမှုများနှင့် စပ်လျဉ်း၍ ပြုပြင်မွမ်းမံမှုများ၊ ပယ်ဖျက်ခြင်းနှင့် ပြန်အမ်းငွေများ၊မူဝါဒများ၊ စည်းမျဥ်းစည်းကမ်းများ၊ လုပ်ထုံးလုပ်နည်းများ၊ ပြဋ္ဌာန်းချက်များ၊ အမိန့်များ၊ လုံခြုံရေးလမ်းညွှန်ချက်များနှင့် အခြားစည်းမျဉ်းများနှင့် စည်းမျဉ်းများအားလုံးကို စစ်ဆေးခြင်း၊ နားလည်ခြင်းနှင့် လိုက်နာခြင်းအတွက် သင် တစ်ဦးတည်းထံတွင်သာ တာဝန်ရှိကြောင်း အသိအမှတ်ပြု နားလည်သဘောပေါက်ပါသည်။ 

၅။ ခရီးစဥ်မတိုင်မီ၊ခရီးစဥ်အတွင်းနှင့် ယာဥ်ပေါ်တွင် လိုက်နာရမည့်စည်းကမ်းချက်များ

၅၊၁။ Bus Operators များသည် လိုအပ်လျှင် ခရီးစဉ်ကိုအချိန်ဇယားဆွဲခြင်း၊ ပယ်ဖျက်ခြင်းသို့မဟုတ် နှောင့်နှေးခြင်းနှင့် အခြား Bus များဖြင့် အစားထိုးခြင်းများကို လုပ်ဆောင်နိုင်သည်။

၅၊၂။ Bus Operators များသည် သင့်တင့်မျှတသည်ဟု ယူဆသည့် မည်သည့်အကြောင်းကြောင့်ပင်ဖြစ်စေ သင့်နှင့် သင့်ခရီး ဆောင်အိတ်များကို Bus ပေါ်သို့ တင်ဆောင်ရန် ငြင်းဆိုပိုင်ခွင့်နိုင်သည်။

၅၊၃။ တားမြစ်ပစ္စည်း၊ တရားမဝင် ပစ္စည်းများ သယ်ဆောင်ခြင်း၊ ပျက်စီးလွယ်သော သို့မဟုတ် အရွယ်အစားကြီးသော ခရီးဆောင်အိတ်များ၊ ရမ်းကားသော အပြုအမူ၊ အရက်မူးခြင်း သို့မဟုတ် အခြားခရီးသည်များ၏ သက်တောင့်သက်သာ သို့မဟုတ် လုံခြုံမှုကို ထိခိုက်စေသည်ဟု ယူဆသည့် အခြားအပြုအမူတစ်ခုခုကို မပြုလုပ်ရကြောင်း နှင့် အခြားသတ်မှတ်ထားသော စည်းကမ်းသတ်မှတ်ချက်များနှင့်အညီ လူမှုရေးဆိုင်ရာထိန်းချုပ်မှုအစီအမံများကို လိုက်နာရမည်ဖြစ်သည်။

၅၊၄။ အိမ်မွေးတိရစ္ဆာန် များ သယ်ယူခြင်း ၊ အနံ့အသက်ပြင်း အနံ့ဆိုးသည့် ပစ္စည်းများ သယ်ယူခွင့်မပြုပါ။ လမ်းခရီးတွင် အခြားသူများ အနှောက်အယုက်ဖြစ်စေမည့် အပြုအမှုများ အရက်သေစာ သောက်စားခြင်း များ မပြုလုပ်ရန် သဘောတူပါသည်။ 

၅၊၅။ လမ်းခရီးတလျောက် အဖိုးတန်ရွှေငွေ ကျောက်သံပတ္တမြား ပါလာက မိမိနှင့် အတူ ကိုယ်နှင့် မကွာ ထိမ်းသိန်းထားရှိရန် နှင့် လမ်းခရီးတလျောက် ကျန်းမာရေးသွားခြင်း ၊ ခေတ္တကားရပ်နား အောက်ဆင်း သည့်အခါ တွင်လည်း ကိုယ်နှင့်မကွာ ယူဆောင်ပေးရန် သဘောတူပါသည်။

၅၊၆။ ဥပဒေ နှင့်မလွတ်ကင်းသည့် ပစ္စည်းများ သယ်ယူခြင်း မရှိရန်လည်း သဘောတူပါသည်။ Bus Operators သည် တရားမ၀င်၊ အန္တရာယ်ရှိသော သို့မဟုတ် အခြားခရီးသည်များအတွက် စိတ်မသက်မသာဖြစ်စေရသည်ဟု ယူဆရသည့် ယာဉ်ပေါ်ရှိ မည်သည့်ကုန်ပစ္စည်းကိုမဆို တင်ဆောင်ရန်ငြင်းဆန်ပိုင်ခွင့်ရှိသည်။

၅၊၇။ ခရီးသွားနေစဉ် အသုံးပြုသူသည် တရားဝင်အစိုးရမှထုတ်ပေးသော သက်သေခံအထောက်အထားအားပြသရမည်။

၅၊၈။ အသုံးပြုသူများသည် ခရီးသွားခြင်းအတွက် Bus Operators ၏တရားဝင်ဖြစ်သော၊ စည်းကမ်းချက်နှင့် ကိုက်ညီသော MMBus’s E-ticket ကို ပြသရပါမည်။ MMBus’s E-ticket သည် Bus Operators နှင့် လက်မှတ်ကိုင်ဆောင်သူအကြား စာချုပ် အထောက်အထားတစ်ခုအဖြစ် သတ်မှတ်ထားသည်။

၅၊၉။ Bus ပေါ်တွင် တင်ဆောင်သည့် အခြားခရီးသည်များအတွက် ကျန်းမာရေးအန္တရာယ်ဖြစ်စေနိုင်သော ကျန်းမာရေးအရခရီးသွားရန် မသင့်လျော်သော အသုံးပြုသူ စီးနှင်းလိုက်ပါခြင်း အား ခွင့်ပြု/မပြုအား Bus Operators မှ ဆုံးဖြတ်ခွင့်ရှိသည်။ 

၅၊၁၀။ အသုံးပြုသူသည် ထွက်ခွာချိန်မတိုင်မီ လိုက်ပါရန် အချိန်မီရောက်ရှိရမည် သို့မဟုတ် အသုံးပြုသူသည် Bus ထွက်ခွာချိန်တွင် Bus ပေါ်တက်ရန် ပျက်ကွက်ပါက ထိုသို့ မလိုက်ပါခြင်းအပေါ် Bus Operators နှင့် MMBusTicket တွင် တာဝန်မရှိပါ။

၅၊၁၁။ Bus Operatorsဘက်မှ ချမှတ်ထားသော မူဝါဒများ၊ စည်းမျဉ်းစည်းကမ်းများ နှင့်အညီ အသုံးပြုသူဘက်မှ လိုက်နာဆောင်ရွက်ရမည် ဖြစ်ကြောင်း သိရှိ နားလည်ပါသည်။

၅၊၁၂။ အထက်ဖော်ပြပါ အကြောင်းအရာများအရ Bus Operators မှ သင့်အား စီးနှင်းလိုက်ပါရန် ငြင်းဆိုခြင်း သို့မဟုတ် သင့်အား Bus ပေါ်မှ ဖယ်ရှားရန် ရွေးချယ်ပါက၊ MMBusTicket သည် အသုံးမပြုသော လက်မှတ်(များ)ကို ပယ်ဖျက်သွားမည်ဖြစ်ရန် နိုင်သည်။ သင်သည် နောက်ထပ် Bus စီးခြင်း သို့မဟုတ် ယာဉ်စီးခပြန်အမ်းခြင်းတို့ကို ခံစားခွင့်ရှိမည်မဟုတ်ပါ။ ကြုံတွေ့ရသော အကျိုးဆက် သို့မဟုတ် မတော်တဆ ဆုံးရှုံးမှု၊ ပျက်စီးမှု၊ ကုန်ကျစရိတ် သို့မဟုတ် အခကြေးငွေများအတွက် MMBusTicket တွင် တာဝန်မရှိပါ။

၆။ ၀န်ဆောင်မှုရပ်ဆိုင်းခြင်း၊ ဆိုင်းငံ့ခြင်း၊ ဖျက်သိမ်းခြင်း

အသုံးပြုသူအနေဖြင့် MMBusTicket ဝန်ဆောင်မှုကို ဆက်လက်အသုံးမပြုလိုပါက ဝန်ဆောင်မှု ရပ်ဆိုင်းခြင်းဆိုင်ရာ နည်းလမ်းများ အတိုင်း ဝန်ဆောင်မှုကို ရပ်ဆိုင်းနိုင်သည်။ မည်သည့်အကြောင်း ကြောင်းကြောင့်မဆို အသုံးပြုသူအား ကြိုတင်အကြောင်းကြားခြင်းမရှိဘဲ မည်သည့်အချိန်တွင်မဆို အသုံးပြုသူ၏ ဤဝန်ဆောင်မှု အသုံးပြုနေခြင်းကို ဖျက်သိမ်းခြင်း၊ ဆိုင်းငံ့ခြင်း၊ ရပ်ဆိုင်းခြင်းတို့ကို MMBusTicket မှပြုလုပ်ခွင့်ရှိသည်။ MMBusTicket သည် လိမ်လည်မှု သို့မဟုတ် သံသယဖြစ်ဖွယ် လုပ်ဆောင်ချက်ကြောင့် ကြိုတင်စာရင်းသွင်းခြင်းအား ဖျက်သိမ်းခြင်းကို သုံးစွဲသူအား အကြောင်းကြားမည်ဖြစ်သည်။

၇။ အသိပေးချက်များပေးပို့ခြင်း

MMBusTicket ဝန်ဆောင်မှုကို အသုံးပြုခြင်းဖြင့် အသုံးပြုသူ၏ Email, Phone Number အကောင့်ထံသို့ အကြောင်းကြား ချက်များပေးပို့ခြင်း၊ ဆက်သွယ်ခြင်းတို့ကို သဘောတူလက်ခံပါသည်။ MMBusTicket အနေဖြင့် အစီအစဉ်အသစ်များ၊ ပရိုမိုးရှင်းအစီအစဉ်များ၊ အသုံးပြုသူများထံမှစစ်တမ်းကောက်ယူခြင်းများ စသည်တို့ကို App ထဲမှ အသိပေးချက်များမှတဆင့်ဖြစ်စေ၊ SMS ကတဆင့်ဖြစ်စေ၊ အခြားသော ဆက်သွယ်ရေး နည်းလမ်းများမှတဆင့်ဖြစ်စေ ဆက်သွယ်ပေးပို့သွားမှာ ဖြစ်ပါသည်။ ဒါအပြင် MMBusTicket App ထဲမှာ ဝန်ဆောင်မှုအသုံးပြုခြင်းအတွက် အသုံးပြုသူ၏ငွေပေးချေမှုကိစ္စများ၊ သဘောတူညီမှုများ၊ ထုတ်ဖော်ချက်များနှင့် အခြားအချက် အလက်များပေးပို့ခြင်းကိုလည်း အသုံးပြုသူမှ လက်ခံပါမည်။ ဤဝန်ဆောင်မှုကို ရယူထားသော အသုံးပြုသူထံသို့ MMBusTicket မှတစ်ဆင့် အချက်အလက်များ၊ အကြောင်းအရာများ၊ စာသားများ၊ ဆော့ဖ်ဝဲများ၊ အသံများ၊ ဓာတ်ပုံများ၊ ဒီဇိုင်းပုံရိပ်များ၊ ဗီဒီယိုများ၊ မက်ဆေ့ချ်များ၊ တွဲဖက်အကြောင်းအရာများနှင့် အခြားသော အကြောင်းအရာများကို MMBusTicket မှ ပေးပို့ခွင့်ရှိသည်။ မှတ်ပုံတင်စဉ်က အသုံးပြုသူမှ ပေးသွင်းသော အချက်အလက်များနှင့် ထိုသို့ပေးသွင်းခြင်းကြောင့် ဖြစ်ပေါ်လာသော အကျိုးဆက်များအတွက် အသုံးပြုသူထံတွင်သာ အလုံးစုံ တာဝန်ရှိသည်။ 

၈။ ကန့်သတ်တားမြစ်ချက်များ

၈၊၁။ MMBusTicket ဝန်ဆောင်မှုကို အသုံးပြုသူများအနေဖြင့် စီးပွားဖြစ်အသုံးပြုခွင့်မရှိပါ။ ဤဝန်ဆောင်မှုသည် အသုံးပြုသူ၏ တစ်ကိုယ်ရည်နှင့် အကျိုးအမြတ်အတွက် မဟုတ်သော အသုံးပြုမှုအတွက်သာ ဖြစ်သည်။ အသုံးပြုသူအနေဖြင့် ဝန်ဆောင်မှုအား ရယူရာတွင် 

၈၊၁၊၁။ MMBusTicket မှ စီစဉ်ပေးထားသော ကြားခံစနစ် မဟုတ်သည့် အခြားနည်းလမ်းများကို အသုံးပြုခြင်း၊

 ၈၊၁၊၂။ ဝန်ဆောင်မှုများရယူရာတွင် Robot၊ Spider၊ Scraper၊ Script၊ Web Crawler များအသုံးပြု၍ နှောင့်ယှက်ခြင်းများ ပြုလုပ်ခြင်းနှင့် အခြားအလိုအလျောက် နည်းလမ်းများကို အသုံးပြုခြင်း၊ 

၈၊၁၊၃။ ဝန်ဆောင်မှုကို ရယူခြင်း၏ ဇာတ်မြစ်ကို ဖုံးကွယ်ရန်အတွက် Identifier ကုဒ်နံပါတ်များကို အတုအပပြုလုပ်ခြင်း၊ အချက်အလက်များကို လိုသလိုပြုပြင်ခြင်း၊ 

၈၊၁၊၄။ MMBusTicket ဆာဗာ အား ပျက်ဆီးစေမည့်လုပ်ရပ်များ၊ ဆော့ဖ်ဝဲလ်များ အသုံးပြုခြင်း၊ 

၈၊၁၊၅။ နှောင့်ယှက်ဖျက်ဆီးလိုသော ရည်ရွယ်ချက်ဖြင့်စာများ၊ အီးမေးလ်များရေးသားခြင်း၊ ဗိုင်းရပ်စ်ပါသောဆော့ဖ်ဝဲလ်များ အသုံးပြုခြင်းများကို လုံး၀ မပြုလုပ်ပါဟု သဘောတူပါသည်။

၈၊၂။ အသုံးပြုသူသည် MMBusTicket ဝန်ဆောင်မှုကို MMBusTicket Website ဝန်ဆောင်မှုမှ သတ်မှတ်ပေးထားသော စည်းကမ်းများနှင့် သတ်မှတ်ချက်များဘောင်အတွင်းကသာ အသုံးပြုရမည် ဖြစ်သည်။ အသုံးပြုသူအနေဖြင့် MMBusTicket ဝန်ဆောင်မှုက သတ်မှတ်ပေးထားသော စည်းမျဉ်းစည်းကမ်းများကို ဖောက်ဖျက်၍သော်လည်းကောင်း၊သတ်မှတ်ချက်များကို မလိုက်နာဘဲ ကျော်လွန်၍သော်လည်းကောင်း MMBusTicket ဝန်ဆောင်မှုကို အသုံးပြုခြင်း၊ MMBusTicket ဝန်ဆောင်မှု၏ Social Media စာမျက်နှာများဖြစ်သည့် Facebook ၊ Instagram ၊ YouTube နှင့် Web Page များကို MMBusTicket ဝန်ဆောင်မှုမှ သက်ဆိုင်ရာ တစ်ဦးတစ်ယောက်၏ ခွင့်ပြုချက်မရှိဘဲ ရယူသုံးစွဲခြင်းများ မပြုလုပ်ပါဟု သဘောတူပါသည်။ 

၈၊၃။ ဤဝန်ဆောင်မှုအသုံးပြုခြင်းဆိုင်ရာ စည်းကမ်းချက်အဖြစ် ဝန်‌ဆောင်မှုများအား ဥပဒေနှင့်မညီသည့် မည်သည့် ရည်ရွယ်ချက် အတွက်မှ အသုံးပြုမည်မဟုတ်ကြောင်းကို အသုံးပြုသူမှ အာမခံသည်ဖြစ်သည်။ ဝန်ဆောင်မှုများကို အသုံးပြုမှုနှင့် စပ်လျဉ်းသည့် တည်ဆဲဥပဒေ၊ စည်းမျဉ်းစည်းကမ်း၊ နည်းဥပဒေနှင့် ပြဋ္ဌာန်းဥပဒေအရပ်ရပ်ကို လိုက်နာရန် အသုံးပြုသူမှ သဘောတူသည်ဖြစ်သည်။

၉။ လျော်ကြေး

အသုံးပြုသူမှ MMBusTicket website အား အသုံးပြုခြင်း သို့မဟုတ် ဤစည်းမျဉ်းစည်းကမ်းသတ်မှတ်ချက်များအား ချိုးဖောက်ခြင်းကြောင့် ဖြစ်ပေါ်လာသော ထိခိုက်နစ်နစ်မှုတောင်းဆိုချက်အားလုံး၊ တာဝန်ယူမှု၊ (ပါဝင်သော်လည်း အကန့်အသတ်မရှိ၊ တရားဝင်အခကြေးငွေများ)ကုန်ကျစရိတ်၊ ပျက်စီးမှုများအားလုံးအတွက် လျော်ကြေးပေးရန် အသုံးပြုသူမှသဘောတူသည်။

၁၀။ ကိုယ်စားပြုချက်များ၊ အာမခံချက်များ

MMBusTicket Website ပေါ်ရှိ အကြောင်းအရာများ ”အရှိအတိုင်း” နှင့် ”ရရှိနိုင်သည့်အတိုင်းသာပေးထားခြင်းဖြစ်ကြောင်းကို အသုံးပြုသူမှ သိရှိသဘောတူပြီး MMBusTicket Website ပေါ်တွင် ဖော်ပြထားသော ဖော်ပြချက်များပေါ်တွင် မှီတည်၍ မည်သည့်အကြောင်းအရာကိုမဆို၊ ကုန်ပစ္စည်းများ၊ ထုတ်ကုန်များ သို့မဟုတ် ဝန်ဆောင်မှုများ၏ အသုံးပြုသူမှလက်ခံခြင်း သို့မဟုတ် ရယူအသုံးပြုခြင်းသည် အသုံးပြုသူတစ်ဦးတည်း၏ အန္တရာယ်နှင့် ဆုံးဖြတ်ချက်ဖြင့် လက်ခံရယူခြင်းဖြစ်သည်။ MMBusTicket Websiteဖြစ်စေ၊ ဝန်ဆောင်မှုများအားဖြစ်စေ၊ MMBusTicket ရှိ မည်သည့် Website လင့်ခ်ကိုဖြစ်စေ နှင့် MMBusTicket ပေါ်တွင် တင်ထားသောမည်သည့်အကြောင်းအရာကိုဖြစ်စေ အသုံးပြုခြင်းနှင့်ပတ်သတ်၍ ဖြစ်ပေါ်လာနိုင်သည့် အသုံးပြုသူ၏ သို့မဟုတ် အခြားမည်သည့် ပါတီ၏ ဆုံးရှုံးခြင်း သို့မဟုတ် ပျက်စီးခြင်းအတွက် တာဝန်ရှိမှုအားလုံး (စာချုပ်တွင် ဖြစ်ပေါ်လာသည်ဖြစ်စေ၊ ပေါ့ဆမှုဖြစ်စေ သို့မဟုတ် အခြားနည်းဖြင့်ဖြစ်စေ) ကို ဖယ်ထုတ်ထားမည်ဖြစ်သည်။ MMBusTicket သည် Website တွင် ကမ်းလှမ်းထားသော ဝန်ဆောင်မှုများကို အချိန်တိုင်းရရှိနိုင်စေရန် ကျိုးကြောင်းဆီလျော်စွာ ကြိုးပမ်း ဆောင်ရွက်နေသော်လည်း Mini App အား လုံခြုံမှုရှိသည်ဟူ၍ဖြစ်စေ၊ အချိန်မှီ၊ အနှောက်အယှက်မရှိဟူ၍ဖြစ်စေ၊ အမှားအယွင်းမရှိပါဟူ၍ဖြစ်စေ၊ နည်းပညာအခက်အခဲမရှိဟူ၍ဖြစ်စေ၊ ချွတ်ယွင်းချက်မရှိဟူ၍ဖြစ်စေ (သို့မဟုတ်) ဗိုင်းရပ်စ်များ မရှိပါဟု KBZPay က သော်လည်းကောင်း၊ MMBusTicket (Mini App) ကသော်လည်းကောင်း အာမခံခြင်း (သို့မဟုတ်) ကိုယ်စားပြုခြင်းများကို မပြုလုပ်ပါ။ စီစဉ်ထားသော သို့မဟုတ် ပုံမှန်စနစ်ထိန်းသိမ်းခြင်းလုပ်ငန်း၊ အင်တာနက် (သို့မဟုတ်) အီလက်ထရွန်နစ်ဆက်သွယ်ရေးကြောင့်ဖြစ်စေ (သို့မဟုတ်) အင်အားကြီးသည့်ဖြစ်ရပ်များကြောင့် ပလပ်ဖောင်း၏ ယာယီပြတ်တောက်မှုများဖြစ်ပေါ်နိုင်ပြီး ထို့အတွက် MMBusTicket တာဝန်မရှိသည်ကို အသုံးပြုသူမှ သိရှိသဘောတူပါသည်။

၁၁။ အသိဉာဏ်ပစ္စည်းများဆိုင်ရာ မူပိုင်ခွင့်

MMBusTicket ဝန်ဆောင်မှုတွင် အသုံးပြုထားသော ကုန်အမှတ်တံဆိပ်များ (MMBusTicket ဝန်ဆောင်မှု အမည်နှင့် ကုန်အမှတ်တံဆိပ်များအပါအဝင်)၊ လုပ်ငန်းအမည်များ၊ လိုဂိုများ၊ ဝန်ဆောင်မှု အမှတ်အသားများ အားလုံးသည် MMBusTicket ဝန်ဆောင်မှုနှင့် ယင်း၏လုပ်ငန်းဖော်ကုမ္ပဏီများ၊ အခြားသက်ဆိုင်ရာ လုပ်ငန်းများမှ ပိုင်ဆိုင်ပါသည်။အသုံးပြုသူသည် ကမ္ဘောဇဘဏ် နှင့် MMBusTicket ၏ ဉာဏပစ္စည်းဆိုင်ရာ မူပိုင်ခွင့်ကို ကိုယ်ကျိုးအတွက် သုံးစွဲခြင်းမပြုရ သို့မဟုတ် ကမ္ဘောဇဘဏ် နှင့် MMBusTicket မှ စာဖြင့်ရေးသားထားသော ကြိုတင်ခွင့်ပြုချက် ရရှိထားခြင်းမရှိဘဲ မည်သည့်ကိစ္စကိုမဆို ကြော်ငြာခြင်းမပြုရ။ အသုံးပြုသူသည် ကမ္ဘောဇဘဏ်၏ပုံရိပ်၊ ကုန်အမှတ်တံဆိပ်၊ လုပ်ငန်းအမည် သို့မဟုတ် အခြားဉာဏပစ္စည်းဆိုင်ရာ မူပိုင်ခွင့်ကို ထိခိုက်ပျက်ပြားစေနိုင်သည့် မည်သည့်ပြုလုပ်မှုမျိုးကိုမဆို ပြုလုပ်ခွင့်ရှိမည်မဟုတ်ပါ ထိုနာမည်များကို အသုံးပြုပြီး MMBusTicket ဝန်ဆောင်မှုကို ရည်ညွှန်းခြင်း၊ အခြားတစ်ခုခုကို ရည်ညွန်းခြင်းများ ဆောင်ရွက်ခွင့်မရှိပါ။ သို့မဟုတ် အခြားသူက ပြုလုပ်ခြင်းကိုလည်း ခွင့်ပြုပေးပိုင်ခွင့်ရှိမည်မဟုတ်ပါ။ 

၁၂။ တာဝန်မရှိကြောင်းရှင်းလင်းဖော်ပြချက်

မည်သည့်အခြေအနေတွင်ဖြစ်စေ အထက်ဖော်ပြပါ စည်းမျဉ်းစည်းများကို အသုံးပြုသူမှ ဖောက်ဖျက်ခြင်း၊ ချိုးဖောက်ခြင်းကြောင့် (သို့မဟုတ်) စာချုပ်အရဖြစ်စေ၊ တရားမနစ်နာမှုအရဖြစ်စေ၊ ယတိပြတ်တာဝန်ရှိမှုကြောင့် ဖြစ်စေ (သို့မဟုတ်) ဤ ဝန်ဆောင်မှုကို ရယူအသုံးပြုခြင်းကြောင့် ကုန်ကျစရိတ်၊ နစ်နာကြေး၊ တောင်းဆိုချက်၊ အရေးယူဆောင်ရွက်မှု၊ တရားစွဲ ဆိုခြင်း၊ ဥပဒေအဆုံးအဖြတ်၊ ဆုံးရှုံးမှုနှင့်တာဝန်ရှိမှုများ (သို့မဟုတ်) ဝန်ဆောင်မှုမှတဆင့် ရရှိသော အချက်အလက်များ၊ အကြောင်းအရာများ၊ ဆော့ဖ်ဝဲလ်များ၊ ထုတ်ကုန်များ၊ ဝန်ဆောင်မှုများကြောင့် အသုံးပြုသူနှင့်အခြား အဖွဲ့အစည်းများအတွက် တိုက်ရိုက်သော်လည်းကောင်း၊ သွယ်ဝိုက်၍သော်လည်းကောင်း၊ ကြီးမားပြင်းထန်သော၊ အသေးအဖွဲဖြစ်သော၊ (သို့မဟုတ်) အကျိုးဆက်အရ ဖြစ်ပေါ်လာသော အကြောင်းကိစ္စများ၊ ထိခိုက်နစ်နာမှုများ၊ နစ်နာကြေးတောင်းခံမှုများ၊ အရေးယူမှုများ၊ တောင်းဆိုချက်များ၊ တရားရင်ဆိုင်မှုများကြောင့် ဖြစ်ပေါ်လာသည့်စွဲဆိုချက်များ၊ စီရင်ချက်များ၊ ကုန်ကျစရိတ်များ အမျိုးမျိုးသည် MMBusTicket နှင့် မိတ်ဖက်၊ ၎င်းတို့၏အဖွဲ့ဝင်များ၊ ဝန်ထမ်းများ၊ ကိုယ်စားလှယ်များ၊ တွဲဖက်လုပ်ကိုင်သူများ၊ မူပိုင်ခွင့်ပေးအပ်သူများတွင် ဥပဒေအရ တာဝန်မရှိစေရပါ။ အသုံးပြုသူအနေဖြင့်သာ ကိစ္စအ၀၀တို့အတွက် တာဝန်ယူဖြေရှင်း သွားမည်ဖြစ်ကြောင်း သိရှိသဘောတူပါသည်။ 

၁၃။ မလွန်ဆန်နိုင်သော ဖြစ်ရပ်များ

ဤဝန်ဆောင်မှုကို MMBusTicket က ဆောင်ရွက်ပေးနေစဉ်ကာလအတွင်း သဘာဝဘေးအန္တရာယ်၊ စစ်ဖြစ်ပွားမှု၊ ဆန္ဒပြမှု သို့မဟုတ် အလုပ်သမားအငြင်းပွားမှု၊ ကုန်သွယ်ရေးပိတ်ပင်မှု၊ အစိုးရအမိန့်၊ မီးလောင်ခြင်း၊ ရေကြီးခြင်း၊ မိုးသည်းထန်စွာ ရွာသွန်းခြင်း၊ မုန်တိုင်း သို့မဟုတ် အလွန်ဆိုးရွားသည့်ရာသီဥတုအခြေအနေများ၊ ဆူပူအုံကြွမှု၊ ပုန်ကန်မှု၊ လူထုမငြိမ်မသက်ဖြစ်မှု၊ စီးပွားရေးပိတ်ဆို့အရေးယူမှု၊ သပိတ်မှောက်မှု၊ လျှပ်စစ်ဓာတ်အား ပြတ်တောက်မှု၊ စက်ချွတ်ယွင်းမှု သို့မဟုတ် အခြားသောမလွန်ဆန်နိုင်သော ဖြစ်ရပ်များသာဖြစ်သည်ဟု ကန့်သတ်ထားမှု မရှိသော်လည်း ယင်းတို့အပါအဝင်ဖြစ်ပြီး ကမ္ဘောဇဘဏ် သို့မဟုတ် MMBusTicket မှ ကျိုးကြောင်းဆီလျော်စွာ ထိန်းချုပ်နိုင်မှုထက် ကျော်လွန်နေသည့် ဖြစ်ရပ်များကြောင့် အချိန်ကာလတစ်ရပ်အထိ ဖြစ်ပေါ်လာရသည့် မည်သည့်လုပ်ငန်း ဆောင်ရွက်ရန် ပျက်ကွက်မှု သို့မဟုတ် နှောင့်နှေးမှုဖြစ်ခြင်း များအတွက်မဆို MMBusTicket တွင် တာဝန်မရှိကြောင်းကို အသုံးပြုသူသည် နားလည်သဘောတူပါသည်။ MMBusTicket သည် ယင်းသို့သော အခြေအနေ များကြောင့် အဟန့်အတားဖြစ်ခြင်း၊ အတားအဆီးဖြစ်ခြင်း သို့မဟုတ် နှောင့်နှေးနေခြင်းများ ကြုံတွေ့နေရသည့် အတိုင်းအတာအပေါ်မူတည်၍ အဆိုပါအခြေအနေများ ပြီးဆုံးသွားသည့် အချိန်အထိ ပေးနေသည့် ဤဝန်ဆောင်မှုအား ဆိုင်းငံ့ထားမည်ဖြစ်သည်။ ထိုသို့သော အခြေအနေများ ဆက်လက်ဖြစ်ပျက်နေစဉ် ကာလအတွင်း ဤစည်းမျဉ်းစည်းကမ်း သတ်မှတ်ချက်များတွင် ဖော်ပြထားသော တာဝန်ဝတ္တရားများကို ဖြည့်ဆည်းရန်၊ ထမ်းဆောင်ရန် ပျက်ကွက်ခြင်း သို့မဟုတ် နှောင့်နှေးခြင်းများအတွက် MMBusTicket အနေဖြင့် အသုံးပြုသူအပေါ်တွင်ဖြစ်စေ သို့မဟုတ် အခြားမည်သည့် လူပုဂ္ဂိုလ်တစ်ဉီးဉီးအပေါ်တွင် ဖြစ်စေ တာဝန်ရှိစေခြင်း သို့မဟုတ် ဤစည်းမျဉ်းစည်းကမ်း သတ်မှတ်ချက်များအား ချိုးဖောက်ခြင်းဖြစ်သည်ဟု မှတ်ယူခြင်းမရှိစေရပါ။

၁၄။ အသိပေးချက်

အထက်ဖော်ပြပါ စည်းမျဉ်းစည်းကမ်းများသည် တရားဝင်ဖြစ်သည်။ အသုံးပြုသူအနေဖြင့် MMBusTicket ဝန်ဆောင်မှုကို စတင်အသုံးပြုသည့် အချိန်မှစ၍ အသုံးပြုသူများစည်းမျဉ်းစည်းကမ်းများကို သိရှိသဘောတူ လက်ခံပြီးဖြစ်သည် ဟုမှတ်ယူသည့်အတွက် ထိုစည်းမျည်းစည်းကမ်းများကို မဖတ်ရှုဘဲ ဤဝန်ဆောင်မှုကို ရယူအသုံးပြုခြင်းသည် အသုံးပြုသူတစ်ဦးတည်း၏ တာဝန်သာ ဖြစ်သည်။ 

၁၅။ ပြင်ဆင်ပြောင်းလဲခြင်း

MMBusTicket သည် မည်သည့်အချိန်တွင်မဆို တစ်စုံတစ်ရာသော အကြောင်းကြောင့် အသိပေးအကြောင်းကြားနိုင်ခြင်းမရှိဘဲ သတ်မှတ်ထားသော စည်းမျဉ်း စည်းကမ်းသတ်မှတ်ချက်များကို ပြင်ဆင်ပြောင်းလဲခြင်း၊ ရပ်စဲခြင်းနှင့်/ သို့မဟုတ် ပယ်ဖျက်ခွင့် နှင့် Mini App ၏ သွင်ပြင်လက္ခဏာများအား ပြောင်းလဲခွင့် နှင့်/သို့မဟုတ် ပြင်ဆင်၊ ဖြည့်စွက်၊ ပယ်ဖျက်ပိုင်ခွင့်တို့အား အခြေအနေအရ ပြုလုပ် ဆောင်ရွက်နိုင်ပါသည်။ ပြင်ဆင်ထားသော စည်းမျဥ်းစည်းကမ်းများအား တင်ပြီးသည်နှင့် ချက်ချင်း သက်ရောက်မည်ဖြစ်ပြီး ပြင်ဆင်ပြီးနောက် အသုံးပြုသူက Website ကို ဆက်လက်အသုံးပြုခြင်းသည် ထိုပြင်ဆင်ထားသောစည်းမျဥ်းအသစ်များကို သဘောတူခြင်းဖြစ်ပါသည်။ ပြင်ဆင်ထားသော စည်းမျဉ်းစည်းကမ်း တစ်ခုလုံးကိုဖြစ်စေ သို့မဟုတ် တစ်စိတ်တစ်ပိုင်းကိုဖြစ်စေ အသုံးပြုသူက သဘောမတူပါက အသုံးပြုသူမှ MMBusTicket Website အား အသုံးပြုခြင်းကိုချက်ချင်းရပ်တန့်ရပါမည်။ 

၁၆။ ဆက်လက်အသက်ဝင်ခြင်း

ဤစည်းကမ်းချက်များပါ ပြဋ္ဌာန်းချက်တစ်ရပ်ရပ်သည် တရားဝင်မှုမရှိတော့ခြင်း၊ ပျက်ပြယ်ခြင်း သို့မဟုတ် ဥပဒေတစ်ရပ်ရပ်အရ အာဏာသက်ရောက်မှုမရှိတော့ခြင်းများဖြစ်လာပါက ယင်းအပိုင်းသည်သာ ပျက်ပြယ်မည်ဖြစ်ပြီး ကျန်ပြဋ္ဌာန်းချက်များအား ထိခိုက်စေခြင်း သို့မဟုတ် ပျက်ပြယ်စေခြင်းများရှိမည်မဟုတ်ဘဲ ကျန်ပြဋ္ဌာန်းချက်များသည် ဆက်လက်အသက်ဝင်နေမည် ဖြစ်သည်။

၁၇။ လွှဲပြောင်းခြင်း

ဤစည်းမျဉ်းစည်းကမ်းသတ်မှတ်ချက်များအရ အသုံးပြုသူသည် မိမိ၏ အခွင့်အရေးများ သို့မဟုတ် တာဝန်ဝတ္တရားများ အားလုံးကိုဖြစ်စေ သို့မဟုတ် တစ်စိတ်တစ်ပိုင်းကိုဖြစ်စေ ပေးအပ်ခြင်း သို့မဟုတ် လွှဲပြောင်းခြင်းတို့အား ကမ္ဘောဇဘဏ်၏ စာဖြင့် ရေးသားဖော်ပြထားသော သဘောတူညီချက်မရှိဘဲ ဆောင်ရွက်ခြင်း မပြုရပါ။ 

၁၈။ ဥပဒေသက်ရောက်မှုနှင့် တရားစီရင်ပိုင်ခွင့်

အထက်ဖော်ပြပါ စည်းမျဉ်းစည်းကမ်းများနှင့် သတ်မှတ်ချက်များအားလုံးသည် ပြည်ထောင်စုသမ္မတမြန်မာနိုင်ငံ ၏တည်ဆဲဥပဒေများနှင့်အညီ အဓိပ္ပါယ်ဖော်ဆောင်ရမည် ဖြစ်သည်။ ဤဝန်ဆောင်မှုကို အသုံးပြုမှုကြောင့် ပေါ်ပေါက်လာသော အငြင်းပွားမှုတစ်စုံတစ်ရာ၊ ပြဿနာတစ်ခုခု ပေါ်ပေါက်လာပါက မြန်မာနိုင်ငံတော် တရားရုံးများတွင် တည်ဆဲဥပဒေများအရ ဖြေရှင်းဆောင်ရွက်မည်ဖြစ်ကြောင်း အသုံးပြုသူအနေဖြင့် သဘောတူလက်ခံပါသည်။ 

၁၉။ စွန့်လွှတ်ခြင်း

ဤစည်းကမ်းချက်များပါ မည်သည့်ပြဋ္ဌာန်းချက်(များ) ကိုမဆို မည်သည့်အချိန်တွင်မဆို အကျိုးသက်ရောက်မှုရှိအောင် ဆောင်ရွက်ရန် မည်သည့်ဖက်ကမဆို ပျက်ကွက်ခြင်း သို့မဟုတ် နှောင့်နှေးခြင်းကို ဤစည်းကမ်းချက်များပါ ပြဋ္ဌာန်းချက် တစ်ခုစီတိုင်းနှင့် ပြဋ္ဌာန်းချက်အရပ်ရပ်ကို အာဏာသက်ရောက်အောင် လုပ်ဆောင်ပိုင်ခွင့်အား စွန့်လွှတ်ခြင်းဖြစ်သည်ဟု အဓိပ္ပာယ်ကောက်ယူခြင်းမရှိစေရ။

၂၀။ ဘာသာစကား 

ဤစည်းမျဉ်းနှင့်စည်းကမ်းသတ်မှတ်ချက်များအား အင်္ဂလိပ်၊ မြန်မာ နှစ်ဘာသာဖြင့် ပြုလုပ်ထားပြီး နှစ်မျိုးစလုံးသည် တူညီသော အဓိပ္ပာယ် သက်ရောက်မှုရှိမည်ဖြစ်သည်။ အင်္ဂလိပ်ဘာသာနှင့် မြန်မာဘာသာနှစ်မျိုးဖြင့် ပြုလုပ်ထားခြင်းဖြစ်သောကြောင့် ကွဲလွဲမှုတစ်စုံတစ်ရာရှိလျှင် မြန်မာဘာသာဖြင့် ရေးသားထားသည့် စည်းကမ်း သတ်မှတ်ချက်များကိုသာလျှင် အမှန်ယူရမည် ဖြစ်သည်။

၂၁။ ဆက်သွယ်ရန်

အကယ်၍ အသုံးပြုသူသည် မေးခွန်းများ သို့မဟုတ် မှတ်ချက်များရှိ၍ MMBusTicket ထံ ဆက်သွယ်လိုပါက၊ ကျေးဇူးပြု၍ MMBusTicket (Mini App) ၏ customer support team သို့ အီးမေးလ်ပေးပို့ခြင်းဖြင့်ဖြစ်စေ သို့မဟုတ် MMBusTicket အတွင်းရှိ အသုံးပြုသူများမေးမြန်းနိုင်သည့် feature မှတစ်ဆင့်ပေးပို့နိုင်ပါသည်။ 

• MMBusTicket Hotline: +95 9 777 111 811
• Email: mmbusticket@gmail.com